Sý basqan óńir balalary saýyqtyrý ortalyqtaryna jiberilip jatyr

<p>ASTANA. KAZINFORM &ndash; El aýmaǵynda 20 myńnan astam bilim salasynyń qyzmetkeri sý tasqynyna ushyraǵan óńirlerde belsendi jumys istep jatyr. Bul týraly Oqý-aǵartý mınıstrliginiń resmı ókili Mereke Amangeldiqyzy málim etti.&nbsp;</p>

«Oqý-aǵartý mınıstriniń tapsyrmasy boıynsha 6 sáýirden bastap 11 balalardy saýyqtyrý ortalyqtaryna zardap shekken óńirlerden balalardy qabyldaý bastaldy. Munda saýyqtyrýmen qatar oqý protsesi de uıymdastyrylady. Balalardy qabyldaýdyń alǵashqy kúninde Aqmola oblysyndaǵy «Jas dáýren» balalardy saýyqtyrý ortalyǵy 80-nen astam balany qabyldady», - dedi Mereke Amangeldiqyzy Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, balalardy saýyqtyrý ortalyqtaryna uıymdasqan ári qaýipsiz tasymaldaýdyń is-qımyl algorıtmi ázirlendi. 

«Búgingi tańda 20 myńnan astam bilim salasynyń qyzmetkeri volonterler qatarynda sý tasqynyna qarsy is-sharalarǵa qatysýda. Onyń ishinde 10 myńnan astamy evakýatsııalyq pýnktterde jumys istep jatyr», - deıdi ol. 

Aıta ketsek, sý basqan óńirlerde 80 bilim berý uıymy onlaın oqý formatqa kóshti. Oqý-aǵartaý mınıstrliginiń resmı málimetine sáıkes balalarǵa psıhologııalyq kómek kórsetilip jatyr.