Sý basqan aımaqtardaǵy 20 myń bala úzdik demalys oryndaryna joldama alady

<p>ASTANA. KAZINFORM &mdash; Oqý-aǵartý vıtse-mınıstri Edil Ospan &nbsp;Jibek joly telearnasyndaǵy &laquo;Jańa ýaqyt&raquo; baǵdarlamasynda sý basqan aımaqtardaǵy balalardyń jazǵy demalysyn tıimdi ótkizý sharalary týraly aıtty.</p>

Onyń aıtýynsha, jaz aılarynda sý basqan aımaqtardaǵy 4 myńnan astam balanyń jazǵy demalysyn kóńildi ótkizýine bar jaǵdaı jasalmaq.

«Bul óńirlerge erekshe ekpin beriledi. Jergilikti bıýdjettiń esebinen jáne «Qazaqstan halqyna» qory esebinen «Jazdyq joldama» atty joba iske asyrylady. 20 myń balaǵa respýblıkanyń úzdik demalys oryndaryna tegin joldama beriledi. Budan bólek, bul óńirlerdegi balalar qosymsha bos ýaqytyn uıymdastyrý sharalarymen de qamtylady», — dedi vıtse-mınıstr.

Aıta ketsek, osy aptadaǵy Úkimet otyrysynda Oqý-aǵartý mınıstri Ǵanı Beısembaev sý tasqynynan zardap shekken úsh óńirde 3,5 myńnan astam oqýshy aralyq jáne qorytyndy emtıhan tapsyrmaıtynyn málim etken bolatyn.