Sý basqan aýmaqtarda qalý qaýipti — TJD

<p>ORAL. KAZINFORM — BQO TJ departamenti bastyǵynyń mindetin atqarýshy Rýslan Qasybaev óńirde sý basqan aýmaqtarda bolý qaýipti ekendigi jóninde turǵyndarǵa úndeý jasady.</p>

R.Qasybaevtyń málim etkenindeı, Jaıyq jáne Shaǵan ózenderinde sý deńgeıiniń qaýipti shekten asýyna baılanysty adam ómirine qaýip tónip tur.

«Buǵan deıin „Venera“, „Rechnık“, „Armatýrşık“, „Ýchýjnyı zaton“, „Stenovık“, 1, 2 jáne 3-baý-baqsha seriktestikterinen evakýatsııalaý jumystary júrgizildi. Sý deńgeıiniń kóterilýine baılanysty atalǵan saıajaılardy sý basty. Sý basqan aýmaqtarǵa barý qaýipti. Ásirese, Samara-Shymkent jolynda júrgen 1, 2, 3-saıajaı turǵyndarynan qaýipsiz jerge ketýdi talap etemiz. Sondaı-aq „Samal“ aýdany turǵyndaryna evakýatsııalaný kerektigin qatań túrde eskertemiz. Elektr jáne gaz qurylǵylaryn óshirip, terezeler men esikterdi jabyńyz. Úı janýarlaryn qaýipsiz jerge kóshirińiz» dedi R.Qasybaev.

Foto: vıdeodan alynǵan kadr

Ol sondaı-aq jaqyn mańdaǵy evakýatsııalyq pýnkterge barýǵa keńes berdi.

Senim telefony — 8-711-2-55-40-88.

Shuǵyl qyzmet telefony — 101, 112. 

Aıta keteıik, Oral qalasynyń mańyndaǵy sý basqan saıajaı aýmaǵynda izdestirý-qutqarý jumystary jalǵasyp jatyr. Áýede tikushaq jumys isteýde.

Osy saǵatqa deıin 100-den astam úı janýary evakýatsııalandy. 

Eske sala keteıik, budan buryn Oral qalasynda Jaıyqtaǵy sý deńgeıi qaýipti shekten asyp ketkenin jazǵan bolatynbyz. 

Oral qalasy tóńireginde saıajaılar sýǵa ketip jatyr.

Oral qalasynda sý basqan saıajaılardan 4 adam qutqaryldy.