Sý astynda qalǵan úıler azaıǵan joq
12:06, 05 Mamyr 2024
<p>ASTANA. KAZINFORM – Elimizdiń birqatar aımaǵynda sý tasqynynyń beti qaıta bastady. Dese de keıbir óńirlerde úıler áli sý astynda. Búginde Atyraý oblysynyń Qulsary qalasynda motopompalardyń kómegimen 100-den astam úıde jáne 10 bıznes nysanynda sý sorý jumystary jalǵasyp jatyr.</p>
SQO-nyń Petropavl qalasy men Qyzyljar aýdanynda da sý sorý jumystary júrgizilýde. Bul týraly Ortalyq kommýnıkatsııalar qyzmeti alańynda ótken brıfıngide QR Tótenshe jaǵdaılar mınıstrliginiń ókili Asqar Shárip aıtty.
«Respýblıka boıynsha 8 615 turǵyn úı jáne 2 994 aýla aýmaǵynda sýdyń baǵyty burylyp, sý soryldy. 49 819 adam óz úılerine oraldy. Avarııalyq-qutqarý jáne sý tasqynyna qarsy jumystarǵa jalpy sany 14 409 adam, 1 413 tehnıka, 311 sý sorý quraly, 69 júzý quraly, 5 áýe kemesi jumyldyryldy», - dedi ol.
Eske salsaq, buǵan deıin Batys Qazaqstanda Jaıyq sýy eń joǵary deńgeıge kóterilgenin jazǵan edik.