Sý arnalaryn «bir aýdan – bir kásiporyn» qaǵıdaty boıynsha irilendirý usynyldy

NUR-SULTAN. QazAqparat – «Bir aýdan – bir kásiporyn» qaǵıdaty boıynsha sý arnalaryn irilendirý kerek. Bul týraly búgin Úkimet otyrysynda QR Indýstrııa jáne ınfraqurylymdyq damý mınıstri Qaıyrbek Óskenbaev aıtty, dep habarlaıdy QazAqparat tilshisi.

«Salynǵan sý qubyry jelileri is júzinde ákimdik teńgeriminde qalady ne bolmasa bilikti mamandary men arnaıy mamandandyrylǵan tehnıkasy joq kásiporyndar men uıymdarǵa berilip jatady. Ákimdikterdiń aqparatyna sáıkes, 275 aýylda sýmen jabdyqtaý jelilerine ákimdikter qyzmet kórsetse, 335 aýylda bul jumys beıimdelmegen kásiporyndardyń qaramaǵynda», - dedi mınıstr.

Onyń atap ótýinshe, dál osy jaıt sý jelilerdiń tez arada tozýyna ákep soǵady jáne qaıta qalpyna keltirý úshin qosymsha shyǵyndy talap etedi.

«Osyǵan baılanysty sý jelilerine tıisti qyzmet kórsetý úshin «bir aýdan – bir kásiporyn» qaǵıdaty boıynsha sý arnalaryn irilendirý usynylady. Bul shara kórsetiletin qyzmet sapasyn jáne jumys tıimdiligin arttyrýǵa múmkindik beredi», - dedi Qaıyrbek Óskenbaev.