Stýdentterdiń jappaı tóbelesi - QazUÝ málimdeme jasady

<p>ALMATY. KAZINFORM - Almatyda stýdentter arasynda jappaı tóbeles <a href="https://kaz.inform.kz/news/almatida-studentter-arasinda-zhappay-tobeles-boldi-031c04/" target="_blank" rel="noopener">boldy</a>. Oqıǵa túngi ýaqytta ál-Farabı atyndaǵy QazUÝ-ǵa jaqyn mańda bolǵan. Ýnıversıtet jappaı tóbeleske tek stýdentter ǵana emes, ózge de jastar qatysqanyn málimdedi.</p>

Ál-Farabı atyndaǵy QazUÝ baspasóz qyzmetiniń málimetine sáıkes, kıkiljiń 24 qyrkúıek kúni 02:52-de Popov pen Balzak kósheleriniń qıylysynda bolǵan.

- Taraptar arasyndaǵy kıkiljiń ál-Farabı atyndaǵy QazUÝ aýmaǵynan tys jerde tirkeldi. Qazirgi ýaqytta bolǵan oqıǵanyń mán-jaıy anyqtalyp jatyr, - dep habarlady ýnıversıtetten.

Eske salaıyq, buǵan deıin Almaty oblysynda álimjettik jasaǵan jasóspirimder ústinen is qozǵalǵanyn jazǵanbyz. 

Aqtóbeniń Qopa aýylynda janjaldan soń oqýshy kóz jumdy. 

Sondaı-aq jappaı tóbeles kezinde tanysyn abaısyzda óltirip alǵan aqtóbelikke sot úkimi shyqqanyn jazǵan edik.