Stýdentterdiń stıpendııasy tikeleı karta shotyna túsetin bolady - BǴM

NUR-SULTAN. QazAqparat - Stýdentterdiń, magıstranttardyń jáne doktoranttardyń stıpendııalary tikeleı karta shottaryna túsetin bolady. Bul týraly QR BǴM apparat keńesinde aıtyldy, dep habarlaıdy QazAqparat.

Pılottyq rejımge ázirge úsh joǵarǵy oqý orny qatysyp jatyr. Olardyń qataryna taǵy 21 JOO qosyldy.
Stıpendııalardy tóleý jónindegi fýnktsııany Qarjy ortalyǵy júzege asyratyn bolady. Óz kezeginde JOO stýdentterdiń úlgerimi men mártebesi (oqýǵa túsý, aıaqtaý, oqýdan shyǵarý jáne t.b.) boıynsha aqparatty tıisti aqparattyq júıe arqyly beredi.

«Grant – bul stýdent alatyn qarajattyń maqsatty somasy. Qazir bul qarajat tikeleı JOO-ǵa aýdarylǵan kezde, stýdent memleket oǵan aqsha tóleıtinin, ol úshin aqyly negizde oqıtyndar sııaqty toqsan saıyn oqý aqysy tólenetinin sezbeıdi. Sondyqtan, qazir biz shartty túrde stýdenttiń eskroý-shotyna aqsha túsýi úshin jumys istep jatyrmyz. Biraq, stýdent bul qarajatty ýnıversıtettegi oqý aqysyn tóleýden basqa maqsatta paıdalana almaıdy. Kredıtterdiń jınaqtalýyna qaraı ol bul tólemdi JOO-ǵa bank arqyly aýdaratyn bolady», – dep atap ótti Bilim jáne ǵylym mınıstri Ashat Aımaǵambetov.
Osylaısha, jańa júıe memleket jyl saıyn stıpendııaǵa da, joǵary oqý oryndarynda oqýǵa da qarajatty tikeleı bilim alýshylarǵa ataýly aýdarý arqyly bóletin aqsha qarajatynyń ashyqtyǵyn qamtamasyz etedi.
Budan bólek, júıedegi taǵy bir oń ózgeris – basqa JOO-ǵa aýysqan stýdentterge grantty saqtaı otyryp, stıpendııany úzdiksiz tóleý múmkindigi.