Stýdentterden kýrsty aıaqtaǵan kezde ótkizýi tıis ketý qaǵazy talap etilmeıtin bolady

NUR-SULTAN. QazAqparat – Kelesi jyldyń jazynan bastap oqý jylynyń sońynda stýdentterden ótkizýi tıis ketý qaǵazy talap etilmeıtin bolady. Bul týraly Bilim jáne ǵylym vıtse-mınıstri Mıras Dáýlenov málim etti, dep habarlaıdy QazAqparat tilshisi.

«Joǵary oqý oryndary ár oqý jyly aıaqtalǵan kezde stýdentterden ketý qaǵazyn talap etetini belgili. Keıbir JOO qazir bul talapty tsıfrlyq formatqa aýystyryp jatyr. ıAǵnı, qazirdiń ózinde ketý qaǵazyn qaǵaz júzinde talap etpeıtindeı negiz bar. Sol sebepti áriptesterden (JOO-daǵy) kelesi jyldyń jazynan bastap stýdentterden esepshilerdiń, kitaphananyń móri talap etiletin ketý qaǵazyn talap etpeýdi ótinemiz», - dedi Mıras Dáýlenov Bilim jáne ǵylym mınıstrliginiń apparattyq otyrysynda.

Eske sala ketsek, buǵan deıin Ashat Aımaǵambetov Bilim jáne ǵylym mınıstrligi ýnıversıtetterden eshqandaı qujattardy talap etpeıtinin málim etken edi. Mınıstrdiń aıtýynsha, joǵary oqý oryndarynyń pedagogtaryna qatysty qaǵazbastylyq problemasyn sheshý kerek.