Stýdentter turatyn hostelderdiń ıelerine mindetter júkteledi

<p>ASTANA. KAZINFORM &ndash; Qazaqstanda keıbir stýdentter jataqhana jetispeýshiliginen hostel jaldap turýǵa májbúr. Bıyldan bastap hostel ıelerine qosymsha mindetter júktelmek. Tolyǵyraq Ǵylym jáne joǵary bilim mınıstrligi joǵary oqý ornynan keıingi bilim komıteti tóraǵasynyń orynbasary Aqerke Abylaıhan aıtyp berdi.</p>

«Hostelder máselesine kelsek, ýnıversıtet, hostel ıesi jáne stýdent arasynda úshjaqty kelisimshart jasalady. Almatyda hostel ıeleri joǵary oqý oryndarymen jumys isteýge múddeli emes, oǵan sebep talaptardyń kúsheıtilýi. Elordada L. Gýmılev atyndaǵy Eýrazııa ulttyq ýnıversıtetiniń stýdentteri qaladaǵy 6 hostelge jaıǵaspaq. Hostelderdegi órt qaýipsizdigine jergilikti Tótenshe jaǵdaılar departamenti jaýapty. Taǵy bir jaıt, endi hostelderde tek qana stýdentter turatyn bolady, ıaǵnı bógde adamdar turmaıdy. Sonymen qatar kelisimshart boıynsha hostelder ıesine mindetter júkteledi. Onyń qataryna qaýipsizdik pen tazalyq jatady», - dedi A. Abylaıhan. 

Odan bólek, mınıstrlik ókili jalpy stýdentterdi jataqhanamen qamtý máselelerine toqtaldy. 

Eske salsaq, byltyr Almatyda hostel órtenip, 13 adam qaza tapty. 

Hostel ǵımaratynyń ıesi – «KÝSA Halyq» JShS. Ony jalǵa alǵan – «ALA Hostel» JShS. Nysan qurylys talaptary men órt qaýipsizdigi erejelerin buza otyryp salynǵan. 

Bul hostelde stýdentter men jaldamaly jumysshylar turǵan. 

Memleket basshysy qaza tapqan Qazaqstannyń jáne shetel azamattarynyń jaqyndary men týǵan-týystaryna kóńil aıtty.

Qaıǵyly jaǵdaıǵa kináliler zań boıynsha jaýapqa tartylatynyn jetkizip, Úkimet pen ákimdikke zardap shekkenderdiń otbasylaryna kómek kórsetýdi tapsyrdy. 

Aıta ketsek, Astana qalasy tótenshe jaǵdaılar departamenti jyl basynda usynǵan málimet boıynsha elordada 87 hostel bar, 8 hostel óz erkimen jabylǵan.