Stýdentter ótken ǵasyrdyń 30-jyldarynda salynǵan kóne jataqhanalarda turýǵa májbúr
«Qazir biz 11 óńirdegi jataqhanalardy tekserip jatyrmyz. Ýnıversıtetter boıynsha biz teksergen jataqhananyń 70-sin jaqsy dep aıtýǵa bolady. 39-y ortasha, 2 jataqhanada qurylys júrip jatyr. Kolledjder boıynsha jalpy 126 jataqhananyń 75-i jaqsy. 36-synyń jaǵdaıy ortasha, 13-iniń jaǵdaıy nashar, 2 jataqhanada turý múmkin emes», - dedi ol.
Onyń aıtýynsha, monıtorıng barysynda 11 jataqhanada sanıtarlyq jáne qaýipsizdik normalarynyń saqtalmaýy, sý krandarynyń jumys istemeýi, oqý zaldarynyń tıisti maqsatta paıdalanylmaýy, stýdentterdiń bos ýaqytyn tıimdi ótkizýge arnalǵan oryndardyń joqtyǵy áshkere bolǵan.
«Sondaı-aq keńes úkimeti kezinde salynǵan jataqhanalar qaıta jóndeýdi qajet etetini nemese turýǵa múldem qolaısyz ekeni anyqtaldy. Bylaısha aıtqanda, eski zamannan kele jatqan jataqhanalar bar. Keı jerlerde biz 1930 jyly salynǵan jataqhanalardy kórdik. Mysaly, óńirdegi iri joǵarý oqý oryndarynda osyndaı jaǵdaı kezdesetini kóńil kónshitpeıdi», - dedi Nurjan Jetpisbaev.
Osy rette ol ondaı oqý oryndary qatarynda Ulytaý oblysyndaǵy Ómirhan Baıqońyrov atyndaǵy Jezqazǵan ýnıversıtetin, Qyzylorda qalasyndaǵy Qazanǵap atyndaǵy Qyzylorda mýzykalyq kolledjin, Aqmeshit gýmanıtarlyq-tehnıkalyq ınstıtýtyn, Qaraǵandy oblysyndaǵy Temirtaý kásiptik-tehnıkalyq kolledjin, Pavlodar oblysyndaǵy Jaıaý Musa atyndaǵy Aqsý joǵary kópsalalyq kolledjin, Álkeı Marǵulan atyndaǵy pedagogıkalyq ýnıversıtetin, Soltústik Qazaqstan oblysyndaǵy Petropavl joǵary qurylys ekonomıkalyq kolledjin, gýmanıtarlyq-tehnıkalyq kolledjin, Abaı oblysyndaǵy Rymbek Baıseıitov atyndaǵy Semeı qarjy ekonomıkalyq kolledjin, Almaty oblysyndaǵy Jandosov atyndaǵy Qaskeleń mádenıet kolledjin atady.
«Mundaǵy jataqhanalardy jaǵdaıy ortashadan tómen. Bul baǵytta tyńǵylyqty jumys isteý kerek», - dedi ol.