Stýdentter «Astana» HQO-da is-tájirıbeden óte alady
«Astana» Halyqaralyq qarjy ortalyǵynyń basqarýshy dırektory Ernur Rysmaǵanbetovtyń aıtýynsha, atalǵan sharalar birneshe qalada ótedi.
«Bas kezinde biz Astana men Almatyny ǵana qamtýdy oılaǵanbyz. Sosyn oılap qarasaq, ol jerde onsyz da kóp sharalar ótedi eken. Sondyqtan Qaraǵandy, Atyraý, Óskemen, Qostanaı men Shymkentti qostyq. Kelesi jyly sharalardyń aýqymyn taǵy keńeıtemiz. Sol qalalarda biz arnaıy konkýrs jarııalaımyz. Sonyń nátıjesi boıynsha stýdentter jazda «Astana» Halyqaralyq qarjy ortalyǵynda óndiristik is-tájirıbeden óte alady. Sol úshin aqsha da tólenedi. Osylaısha, biz barlyq jastarǵa Halyqaralyq qarjy ortalyǵyn kórip, sol jerde jumys isteýge múmkindik berýdi kózdeımiz», - deıdi E.Rysmaǵanbetov.
Aıta keteıik, aǵymdaǵy jyly 5 shilde kúni «Astana» Halyqaralyq qarjy ortalyǵy resmı túrde ashyldy. Ortalyqta postkeńestik keńistikte alǵash ret aǵylshyn kommertsııalyq quqyǵy qaǵıdattaryna jáne London, Nıý-Iork, Gonkong, Sıngapýr, Dýbaı sııaqty álemniń jetekshi qarjy ortalyqtarynyń standarttaryna negizdelgen derbes quqyǵy bar arnaıy ıýrısdıktsııa engizildi. Kommertsııalyq jáne azamattyq daýlardy qarastyratyn AHQO-nyń táýelsiz soty jáne Halyqaralyq tórelik ortalyǵy quryldy.
AHQO bazasynda álemniń úzdik halyqaralyq standarttarǵa sáıkes keletin joǵary tehnologııalyq bırjasy (AIX) iske qosyldy. Shanhaı qor bırjasy jáne NASDAQ AIX-tiń strategııalyq seriktesteri atandy. Astanaǵa halyqaralyq sarapshylardy tartýdy jeńildetetin «Ekspat ortalyǵy» quryldy. AHQO «bir tereze» júıesin, ońaılatylǵan vıza berý rejimin, tirkeý, jumys isteýge ruqsat alý jáne basqa da rásimderdi usynady. AHQO-ny damytýdyń negizgi strategııalyq baǵyttary: kapıtal naryǵy, aktıvterdi basqarý, jeke tulǵalardyń dáýletin basqarý, ıslamdyq qarjylandyrý, qarjylyq tehnologııalar bolyp tabylady.