Stýdentti urǵan Pavlodar kolledjiniń pedagogy qyzmetinen ketti

<p>Balalar quqyǵyn qorǵaý komıteti Pavlodar oblysy pedagogynyń kolledj stýdentine qol kóterý faktisine qatysty túsinik berdi, dep habarlaıdy&nbsp;<a href="https://kaz.inform.kz/" target="_blank" rel="noopener">QazAqparat.</a></p>

«Pavlodar kolledjinde muǵalimniń stýdentke qol kóterý faktisi oryn aldy. Oqıǵa vıdeosy áleýmettik jelilerde jarııalanyp, qoǵamda keńinen talqyǵa tústi. Balalar quqyǵyn qorǵaý komıteti qatysýshylarǵa tárbıeleýdiń mundaı ádisterin qoldanýǵa jol bermeý kerek dep esepteıdi. Bilim berý mekemeleri balalardy qaýipsiz jáne senimdi oqytý orny bolýy tıis», - delingen komıtet málimetinde.

Resmı aqparatta aıtylǵandaı, kez kelgen qoǵamda balanyń bilim alýyna quqyǵy men qaýipsizdigi eń joǵary basymdyq bolýy tıis.

«Pedagogtyń bul minez-qulqy barlyq kórsetilgen normalarǵa qaıshy keledi. Qazirgi ýaqytta bundaı qatelikke jol bergen muǵalim jumystan bosatyldy. Balalar quqyǵyn qorǵaý komıteti bilim berý mekemelerinde balalardyń quqyqtary men qaýipsizdiginiń saqtalýyn qadaǵalap, olardyń múddelerin qorǵaý jóninde tıisti sharalar qabyldamaq», – dedi komıtetten.

Eske salaıyq, Pavlodar kolledjiniń pedagogy stýdentti parta janyna turǵyzyp qoıyp, jambasynan áldebir zatpen urady. Bala aýyrsynǵannan aıǵaılaǵanyn kórýge bolady. Ustaz mundaı áreketke tárbıelik maqsatta barǵanǵa uqsaıdy. Vıdeo áleýmettik jelide tarady.