«Student loan»: Grantqa ilinbegen talapker kredıtpen oqı alady

<p>ASTANA. KAZINFORM &ndash; Kelesi jyldan memlekettik bilim grantyna ilinbegen talapker nesıe arqyly oqı alady. Bul týraly &laquo;Jibek Joly&raquo; telearnasynyń &laquo;Ýáde&raquo; baǵdarlamasyna suhbat bergen Ǵylym jáne joǵary bilim mınıstri Saıasat Nurbek aıtty.</p>

«Osy jyldan bastap paıyzsyz nesıe júıesi iske asyrylatyn boldy. Tolyqqandy tetikterin pysyqtadyq. «Otbasy banki» jáne ózge de birneshe bank osy júıege qosylady. Aıtalyq, endi talapker grantqa ilinbeı qaldy nemese aqyly túrde oqýǵa aqshasy joq. Osylarǵa usynylady. Bıyl 0 paıyzben bastaımyz. Kelesi jyldan 1-2 paıyz mólsherlememen ǵana uzaqmerzimdi nesıe alýǵa bolady. AQSh-ta student loan degen júıe bar. Kóp adam sony paıdalanady. Endi bizde de osyndaı tetik paıdalanylady», - dedi Saıasat Nurbek.

Sonymen qatar ol kelesi aptada Májiliste «Keleshek» jınaqtaýshy» júıesin engizýdi kózdeıtin zań jobasy 1-oqylymda talqylanatyndyǵyn atap ótti.

«Jyl sońyna deıin zań qabyldanǵan jaǵdaıda kelesi jyldyń 1-toqsanynda «Keleshek» jınaqtaýshy júıesi iske qosylady», - dedi mınıstr.