Stýdent qyz ákesinen alıment óndirip aldy
18:50, 13 Qańtar 2018
ASTANA. QazAqparat - Jańaózen qalalyq sotynda oqýǵa túsken stýdent qyzdyń aryzy qaraldy, dep xabarlaıdy QazAqparat tilshisi.
Sot otyrysynda S. esimdi qyz Ál-Farabı atyndaǵy Qazaq ulttyq ýnıversıtetiniń kúndizgi bóliminde oqyp júrgenin jetkizgen. Sol sebepti jumys isteı almaıdy. Kúndelikti ómirine aqsha jetispeıdi. Jalǵyz anasyna onsyz da úlken salmaq túsip otyr. Osyǵan baılanysty boıjetken oqýy aıaqtalǵansha ákesiniń alıment tólep turýyn talap etti.
«Sot azamattyq is materıaldaryn zerdelep, aryz berýshiniń talabyn jartylaı qanaǵattandyrdy. M. esimdi azamattan S.-nyń paıdasyna 2017 jyldyń 23 qazany men 2021 jyldyń 31 maýysymy, ıaǵnı oqý aıaqtalǵansha 30 aılyq eseptik kórsetkish kóleminde alıment óndirip alýdy sheshti», - delingen sottyń resmı xabarlamasynda.