QSZI-de jýrnalısterge arnalǵan eki kúndik analıtıkalyq semınar ótti

<p>ASTANA.KAZINFORM &ndash; Qazaqstan strategııalyq zertteýler ınstıtýtynda (QSZI) Kazinform agenttiginiń jýrnalısterine arnalǵan oqytý-taldaý semınary ótti.</p>

Semınar QSZI basshylyǵy men Prezıdent teleradıokesheniniń birlesken bastamasymen uıymdastyryldy. Semınarda QSZI sarapshylary: saıasattanýshylar, ekonomıster, áleýmettanýshylar dáris oqydy.

Semınardyń birinshi kúni jýrnalısterge QSZI qyzmetiniń negizgi baǵyttary týraly aıtyldy. Budan keıin spıkerler men BAQ ókilderi sarapshylar men medıaqaýymdastyqtar arasyndaǵy ózara baılanysty talqylady.

Sondaı-aq, qazaqstandyq belgili sarapshylar jahandyq jáne aımaqtyq qaýipsizdik máselelerine, Qazaqstannyń halyqaralyq uıymdarǵa qatysýyna qatysty óz pikirlerin bildirdi.

Semınardyń ekinshi kúni sarapshylar jýrnalıstermen ekonomıkalyq taqyryptaǵy analıtıkalyq metarıaldardy oqyrmandar úshin qarapaıym ári túsinikti etip jazý joldary týraly keıstermen bólisti.

Aqparat agenttiginiń qyzmetkerleri empırıkalyq derekterge negizdelgen analıtıkalyq maqalalar jazýdy da úırendi.