Strategııa men maqsat durys bolsa prezıdenttiń jeti jyldyq merzimi jetkilikti - sarapshy

ASTANA. QazAqparat – Eldiń damý strategııasy durys tańdalyp, maqsat anyq qoıylǵan jaǵdaıda prezıdentti 7 jyl merzimge saılaý jetkilikti. Bundaı pikirdi Jibek Joly telearnasynyń efırinde QR Prezıdenti janyndaǵy Qazaqstannyń strategııalyq zertteýler ınstıtýtynyń dırektory Erkin Tuqymov aıtty, dep habarlaıdy QazAqparat tilshisi.

«Meniń oıymsha, prezıdentti jeti jyl merzimge saılaý jetkilikti. Eger strategııa durys tańdalyp, maqsattar belgilense onda jeti jyl jetip jatyr. Onyń ústine prezıdentti jeti jylǵa saılaý boıynsha Frantsııanyń tájirıbesi bar. Al eger maqsat naqty bolmasa, onda 7 jyl turmaq 70 jyl da jetkiliksiz bolýy múmkin. Eger Qazaqstan týraly aıtatyn bolsaq, jeti jyldyq merzim búkil eldi qaıta quryp, ekonomıka men qoǵamdy jańǵyrtýǵa da jetkilikti. Bizde qalaı áreket etý kerektigi týraly túsinik bar», - dep túsindirdi QR Prezıdenti janyndaǵy QSZI dırektory.

Sondaı-aq sarapshy jańa ózgeristerdiń ońaıǵa soqpaıtynyn aıtty.

«Bul ishki jáne syrtqy máseleler. Sondyqtan Prezıdent Qazaqstandy ózgertýge batyldyq tanytty dep sanaımyn. Rasynda bul týraly 2019 jyldyń basynan beri aıtyp keledi. Alaıda, qoǵamdyq qoldaý bolýy kerek dep sanaımyn. Qoǵamnyń qoldaýynsyz eshqandaı mindetti oryndaý múmkin emes. Ómir endi bastalady dep senemin», - dedi Erkin Tuqymov.

Vıdeodan alynǵan kadr/jjtv.kz/ru/live

Tegter

{

Seıchas chıtaıýt

Odan da kóp jańalyqtar bizdiń Telegram-arnamyzda!