«Strategııa» áleýmettik jáne saıası zertteý ınstıtýty QR Prezıdent saılaýy kezinde ekzıt-pol ótkizedi

ALMATY. QazAqparat - «Strategııa» áleýmettik jáne saıası zertteý ınstıtýty «KTK» arnasymen birige otyryp, QR Prezıdent saılaýy kezinde ekzıt-pol ótkizedi. 20 naýryz kúni Almatyda ótken brıfıng barysynda ortalyq dırektory Gúlmıra Ileýova eldegi 20 myńǵa jýyq saılaýshydan suraq-jaýap alynatynyn jetkizdi.

«Strategııa» ortalyǵynyń suhbattasýshylary respýblıka boıynsha uıymdastyrylatyn 200 saılaý ýchaskesinde daýys berip shyqqan azamattardan saýalnama alatyn bolady. KTK arnasynyń tilshileri saýalnamany onlaın rejimde kórsetpek. «Daýys berýden keıin shuǵyl saýalnama júrgizý eldegi saıası mádenıet pen demokratııany damytýǵa septigin tıgizedi. Shara qoǵamnyń saılaýǵa degen qyzyǵýshylyǵyn arttyryp, belsendi azamattyq pozıtsııasyn qalyptastyrýǵa kómektesedi», - dedi «Kommertsııalyq telekanal» AQ bas dırektory Qanat Saharııanov.

Onyń aıtýynsha, osy tektes áleýmettik saýalnamalar halyqaralyq tájirıbede belsendi qoldanylyp keledi. Saılaý ýchaskesinen jedel aqparat jetkizetin saýlanamany iri medıa-holdnıgter arnaıy tapsyrys berip jasatady. Óıtkeni, ekzıt-pol saılaýdyń qanshalyqty ádil ári ashyq ótkenin kórsetedi.

«Saýalnama anonımdi túrde júrgiziledi. Respondent kimge ári ne úshin daýys bergenin jetkizip, anketa toltyrady. Sondaı-aq, saılaýaldy kezeńde qoǵamdyq saıası ahýaldyń monıtorıngi júrgiziledi. Bul maqsatta respýblıkalyq jáne halyqaralyq BAQ-taǵy jarııalanymdardyń kontent analızi men sarapshylardan saýalnama alynady», - dedi G.Ileýova.