«Strandja» týrnırine qatysatyn qazaqstandyq boksshylar anyqtaldy

<p>Bolgarııa astanasy Sofııa qalasynda 2-12 aqpan aralyǵynda ótetin dástúrli &laquo;Strandja&raquo; týrnırine qatysatyn qazaqstandyq boksshylar anyqtaldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Halyqaralyq týrnır bıyl 75 márte jalaýyn kóteredi. Oǵan Qazaqstan quramasy sapynda 11 boksshy qatysady. El quramasy sapynda týrnırde baq synaıtyn boksshylar qatarynda álem chempıony Sanjar Táshkenbaı bar. Bas bapker Myrzaǵalı Aıtjanov jarys bastalǵanǵa deıin qurama sapynda ózgeris bolýy múmkin ekenin atap ótti.

Qazaqstan quramasynyń quramy tómendegishe:

51 keli: Sanjar Táshkenbaı

54 keli: Dáýlet Moldashev

57 keli: Orazbek Asylqulov

60 keli: Rýslan Kúzeýbaev

63,5 keli: Erasyl Tankaı

67 keli: Dýlat Bekbaýov

71 keli: Talǵat Sháıken

75 keli: Nurqanat Raıys

80 keli: Tursynbaı Qulahmet

86 keli: Abzal Quttybekov

92 keli: Saǵyndyk Toǵambaı

Ótken jyly «Strandja» týrnırine elimizdiń atynan 12 boksshy qatysqan edi. Olar bir kúmis, bir qola medal aldy. Nátıjesinde medaldar kestesinde jetinshi orynǵa jaıǵasty.

Eske salsaq, budan buryn bokstan Ishtvan Bochkaı atyndaǵy týrnırge qatysatyn Qazaqstan quramasy belgili boldy.