Strandja týrnıri: Medaldar kestesinde Qazaqstan qaı orynda tur

ASTANA. QazAqparat – Bolgarııa astanasy Sofııa qalasynda ótken halyqaralyq «Strandja-2023» týrnırinde qazaqstandyq boksshylardyń medaldar kestesinde qaı oryn alǵany belgili boldy, dep habarlaıdy QazAqparat tilshisi.

Halyqaralyq týrnırde qazaqstandyq sportshylar bir kúmis, bir qola medal aldy. Nátıjesinde medaldar kestesinde jetinshi orynǵa jaıǵasty.

Al jeti altyn, tórt kúmis, bes qola medal enshilegen Ózbekstan quramasy kósh bastasa, odan keıingi oryndaǵy Bolgarııa tórt altyn, bir kúmis, bir qola medalǵa qol sozdy.

Úzdik úshtikti bir altyn, eki qolamen AQSh quramasy túıindedi.

«Strandja-2023» (erler quramasy) týrnıriniń nátıjesi:

1. Ózbekstan - 7-4-5

2. Bolgarııa - 4-1-1

3. AQSh - 1-0-2

4. Brazılııa - 1-0-1

5. Armenııa - 0-2-2

6. Úndistan - 0-1-2

7. Qazaqstan - 0-1-1

7. Italııa - 0-1-1

7. Túrkııa - 0-1-1

10. Argentına - 0-1-0

10. Ekvador - 0-1-0

12. Grýzııa - 0-0-2

12. Danııa - 0-0-2

14. Qytaı - 0-0-1

14. Avstralııa - 0-0-1

14. Irlandııa - 0-0-1

14. Polsha - 0-0-1

14. Grekııa - 0-0-1

14. Ázerbaıjan - 0-0-1.

Halyqaralyq «Strandja-2023» týrnırine elimizdiń atynan 12 boksshy qatysqan edi.

Olardyń qatarynda Ernur Qaırat (48 keli), Kenje Muratuly (51 keli), Bekzat Aldamjarov (54 keli), Orazbek Asylqulov (57 keli), Erasyl Tańkaı (60 keli), Ertýǵan Zeınýllınov (63,5 keli), Temirhan Tezek (67 keli), Nurqanat Raıys (75 keli), Bekzad Nurdáýletov (80 keli), Bekzat Taǵatarov (86 keli), Abzal Quttybekov (92 keli), Qamshybek Qońqabaev (92 keliden joǵary) bar.