Strandja kýbogy: Mahmýd Sabyrhan 54 keli salmaqta chempıon boldy

NUR-SULTAN. QazAqparat - Bolgarııa astanasynda bokstan ótip jatqan Strandja kýbogynda erler arasynda qazaqstandyq Mahmýd Sabyrhan el qorjynyna ekinshi altyn medaldy saldy, dep habarlaıdy QazAqparat tilshisi.

54 keli salmaqta el namysyn qorǵap jatqan otandasymyz Mahmýd Sabyrhan fınalda jergilikti boksshy ıAsen Radevpen judyryqtasýy kerek bolatyn. Biraq, qarsylasy jaraqatyna baılanysty jekpe-jekke shyǵýdan bas tartty.

Osylaısha, Mahmýd Sabyrhan atalǵan týrnırdiń altyn medalyna aıqassyz qol jetkizdi.

Esterińizge sala keteıik, osyǵan deıin Qazaqstan qorjynynaalǵashqy altyn medaldy áıelder arasynan álemniń eki dúrkin chempıony Nazym Qyzaıbaı jeńip alǵan bolatyn .

Sondaı-aq búgin Dýlat Bekbaýov (67 keli) Danııa eliniń ókili Nıkolaı Terterıanmen kezdesse, Saǵyndyq Toǵambaı (86 keli) ýkraındyq Sergeı Gorskovpen básekege túsedi. Al, Valentına Halzova (70 keli) reseılik Galına Golovchenkomen sheberlik baıqasady.