Strandja kýbogy: Tursynbaı Qulahmet pen Toqtarbek Tańatqan judyryqtasady

<p>ASTANA. KAZINFORM &ndash; Búgin kishi álem chempıonaty sanalatyn Bolgarııa astanasy Sofııada ótip jatqan Strandja kýbogynyń jartylaı fınaldyq kezeńinde qos qazaq bir-birimen judyryqtasady.&nbsp;</p>

Atap aıtsaq, 80 kelige deıingi salmaqta jartylaı fınalda Qazaqstan quramasynyń ókili Tursynbaı Qulahmet qytaı atynan synǵa túsip júrgen qandasymyz Toqtarbek Tańatqanmen joly túıisti.

Bizdiń otandasymyz Qulahmet – Azııa chempıonatynyń (2019), Islam yntymaqtastyǵy oıyndarynyń (2017) jáne jastar arasyndaǵy Azııa chempıonatynyń (2013) jeńimpazy.

Al qytaıda týyp, sol eldiń atynan sharshy alań kórigin qyzdyryp júrgen qandasymyz Tańatqan jazǵy Azııa oıyndarynyń (2022) chempıony, sonymen qatar álem chempıonatynyń (2023) kúmis júldegeri. 

Sondaı-aq, búgin jartylaı fınalda 51 kelide Sanjar Táshkenbaı ózbekstandyq Asylbek Jalılovpen qolǵap túıistirsa, 67 keli salmaqta otandasymyz Dýlat Bekbaýov aljırlik boksshy Abdenaser Benlarıbımen jekpe-jekke shyǵady.

Esterińizge sala keteıik, osyǵan deıin atalǵan týrnırdiń jartylaı fınalyna úsh qazaqstandyq boksshy shyqqanyn jazǵan bolatynbyz.