Strandja kýbogy: Sanjar Táshkenbaı fınalǵa shyqty

<p>ASTANA. KAZINFORM &ndash; Búgin kishi álem chempıonaty sanalatyn Bolgarııa astanasy Sofııada ótip jatqan Strandja kýbogynda qazaqstandyq boksshy Sanjar Táshkenbaı fınalǵa shyqty.</p>

51 kelide el namysyn qorǵap jatqan otandasymyz jartylaı fınalda ózbekstandyq Asylbek Jalılovpen qolǵap túıistirdi. Nátıjesinde jekpe-jek 3:2 esebimen Tashkenbaıdyń jeńisimen aıaqtaldy. Endi ol strandja kýbogynyń altyn júldesine talasady.

Aıta keteıik, búgin taǵy eki boksshymyz jartylaı fınalda judyryqtasady. Keshki sessııada (Astana ýaqytymen 21:30-da bastalady) Dýlat Bekbaýov ( 67 kelige deıin) aljırlik Abdenasser Benlarıbımen qolǵap túıistiretin bolsa, Tursynbaı Qulahmet (80 kelige deıin) qytaıda turatyn qandasmyz Toqtarbek Tańathanmen fınalǵa shyǵý úshin kúsh synasady.

Bizdiń otandasymyz Qulahmet – Azııa chempıonatynyń (2019), Islam yntymaqtastyǵy oıyndarynyń (2017) jáne jastar arasyndaǵy Azııa chempıonatynyń (2013) jeńimpazy.

Al qytaıda týyp, sol eldiń atynan sharshy alań kórigin qyzdyryp júrgen qandasymyz Tańatqan jazǵy Azııa oıyndarynyń (2022) chempıony, sonymen qatar álem chempıonatynyń (2023) kúmis júldegeri.