«Strandja» kýbogi: Qazaqstandyq eki boksshy jartylaı fınalǵa shyqty

ASTANA. QazAqparat - Bolgarııa astanasy Sofııa qalasynda ótip jatqan halyqaralyq «Strandja-2023» týrnırinde 24 aqpanda qazaqstandyq eki boksshy jartylaı fınalǵa shyqty, dep habarlaıdy QazAqparat tilshisi.

Halyqaralyq týrnırde el quramasynan Orazbek Asylqulov (57 keli) ózbekstandyq Abdýmalık Halokovpen qolǵap túıistirdi. Jekpe-jek barysynda qazaqstandyq boksshynyń basymdyǵy baıqalyp turdy. Nátıjesinde ol qarsylasynan tóreshiler sheshimimen 4:1 esebimen basym tústi.

Al Nurqanat Raıys (75 keli) ózbekstandyq taǵy bir boksshy Alohon Abdýllaevpen sheberlik baıqasty. Ol qarsylasyn eki márte nokdaýnǵa jiberdi. Tóreshiler sheshimimen jeńis Nurqanatqa berildi.

Qazaqstandyq eki boksshy da endi kem degende qola medalge ıe bolady.

Mamandar arasynda kishi álem chempıonaty retinde baǵalanatyn týrnırde endi Bekzad Nurdáýletov (80 keli) ózbekstandyq Djasýrbek ıÝldoshevpen sharshy alańǵa shyǵady. Ol budan buryn serbııalyq Artem Ageevti tize búktirdi.

Atalǵan týrnırge el quramasynan barlyǵy 13 boksshy barǵan edi.