Strandja kýbogy: Dýlat Bekbaýov fınalǵa shyqty

<p>ASTANA. KAZINFORM &ndash; Búgin kishi álem chempıonaty sanalatyn Bolgarııa astanasy Sofııada ótip jatqan Strandja kýbogynda ekinshi qazaqstandyq boksshy fınalǵa shyqty.</p>

Atap aıtsaq, 67 kelige deıingi salmaqta el namysyn qorǵap jatqan Dýlat Bekbaýov jartylaı fınalda aljırlik Abdenasser Benlarıbımen qolǵap túıistirip, qarsylasyn 4:0 esebimen jarys jolynan taıdyrdy.

Esterińizge sala keteıik, osyǵan deıin 51 keli salmaqta Sanjar Táshkenbaı ózbekstandyq Asylbek Jalılovty utyp, fınalǵa shyqqan bolatyn.

Endi sharshy alańǵa 80 keli salmaqta Tursynbaı Qulahmet shyǵady. Onyń qarsylasy qytaıda turatyn qandasymyz Toqtarbek Tańathan.

Bizdiń otandasymyz Qulahmet – Azııa chempıonatynyń (2019), Islam yntymaqtastyǵy oıyndarynyń (2017) jáne jastar arasyndaǵy Azııa chempıonatynyń (2013) jeńimpazy.

Al qytaıda týyp, sol eldiń atynan sharshy alań kórigin qyzdyryp júrgen qandasymyz Tańatqan jazǵy Azııa oıyndarynyń (2022) chempıony, sonymen qatar álem chempıonatynyń (2023) kúmis júldegeri.