«Strandja» kýbogi: Bekzad Nurdáýletov jartylaı fınalǵa shyǵa almady

ASTANA. QazAqparat - Bolgarııa astanasy Sofııa qalasynda ótip jatqan halyqaralyq «Strandja-2023» týrnırinde 24 aqpanda shırek fınalda qazaqstandyq Bekzad Nurdáýletov qarsylasyna ese jiberdi, dep habarlaıdy QazAqparat tilshisi.

Halyqaralyq týrnırde qazaqstandyq boksshy 80 keli salmaqta ózbekstandyq Djasýrbek ıÝldoshevpen qolǵap túıistirdi. Tóreshiler sheshimimen ózbekstandyq jarysty jalǵastyrýǵa múmkindik aldy.

Osylaısha Bekzad Nurdáýletov mamandar arasynda kishi álem chempıonaty retinde baǵalanatyn týrnırde medalge qol jetkize alǵan joq.

Ol 2019 jyly áýesqoılar arasyndaǵy álem chempıonatynda altyn medal aldy. Qazir kásipqoı boksta da synǵa túsedi. Alty jekpe-jeginiń barlyǵynda jeńiske jetti.

Eske salsaq, budan buryn qazaqstandyq eki boksshy jartylaı fınalǵa shyqty.

Atalǵan týrnırge el quramasynan barlyǵy 13 boksshy barǵan edi.