Strandja-2023: Orazbek Asylqulov búgin fınaldyq jekpe-jegin ótkizedi

ASTANA. QazAqparat – Bolgarııa astanasy Sofııa qalasynda ótip jatqan halyqaralyq «Strandja-2023» týrnırinde 26 aqpanda qazaqstandyq Orazbek Asylqulov fınaldyq jekpe-jegin ótkizedi, dep habarlaıdy QazAqparat tilshisi.

Halyqaralyq týrnırde 57 keli salmaqta synǵa tusip jatqan ol Bolgarııa quramasynyń namysyn qorǵaıtyn, shyqqan tegi kýbalyq Haver Ibanespen qolǵap túıistiredi.

Atalǵan jekpe-jek elorda ýaqytymen 21:00-de bastalatyn keshki sessııada ótkiziledi.

Buǵan deıin Orazbek Asylqulov ırlandııalyq Djýd Gallaher, brazılııalyq Lýıs Olıveıra, ózbekstandyq Abdýmalık Halokov jáne armenııalyq Artýr Bazeıandy orta jolda qaldyryp ketti.

Sondaı-aq, atalǵan týrnırde Nurqanat Raıys (75 keli) qola júldege qol sozdy.

Halyqaralyq «Strandja-2023» týrnırine elimizdiń atynan 12 boksshy qatysqan edi. Olardyń qatarynda Ernur Qaırat (48 keli), Kenje Muratuly (51 keli), Bekzat Aldamjarov (54 keli), Orazbek Asylqulov (57 keli), Erasyl Tańkaı (60 keli), Ertýǵan Zeınýllınov (63,5 keli), Temirhan Tezek (67 keli), Nurqanat Raıys (75 keli), Bekzad Nurdáýletov (80 keli), Bekzat Taǵatarov (86 keli), Abzal Quttybekov (92 keli), Qamshybek Qońqabaev (92 keliden joǵary) bar.