Strandj kýbogy: Búgin 18 qazaqstandyq boksshy sharshy alańǵa shyǵady

NUR-SULTAN. QazAqparat - Bolgarııa astanasy Sofııa qalasynda bokstan ótip jatqan dástúrli Strandj kýbogynda 18 qazaqstandyq boksshy sharshy alańǵa shyǵady, dep habarlaıdy QazAqparat tilshisi.

Elorda ýaqytymen saǵat 18:00-de bastalatyn kúndizgi sessııada toǵyz burymdy boksshymyz sharshy alań kórigin qyzdyrmaq.

Atap aıtsaq, 50 kelige deıingi salmaqta Nazym Qyzaıbaı, 54 kelige deıingi Balaýsa Muzdıman, 54 kelige deıingi salmaq dárejesinde Dına Jolaman, 57 kelide Karına Ibragımova, 60 kelide Rımma Volosenko sharshy alańǵa shyǵady.

Al 60 kelide Aıdana Zabynbekova, 66 keli salmaqta Madına Nurshaeva men Darıǵa Shákimova synǵa túsedi. Sondaı-aq, 75 kelige deıingi sanatta Nadejda Rıabets el namysyn qorǵamaq.

Al 22:00-de bastalatyn keshki sessııada jigitterimiz sharshy alańǵa shyǵady.

Onda 48 kelide Sanjar Tashkenbaı men Danııal Sábıt, 51 keli salmaq dárejesinde Damır Ábdiqadyr men Tımýr Qabdeshov judyryqtasady.

60 keli salmaqta Vasılıı Samchýk, 65 kelige deıingi boksshylar arasynda Nurqanat Raıys synǵa túsedi.

Sondaı-aq, 72 keli salmaq dárejesinde eki qazaqstandyq boksshy Ermahan Jaqpekov pen Qýan Qýatov bir-birimen qolǵap túıistirmek.

Sonymen qatar asa aýyr salmaqta Nurlan Saparbaı (92 keliden joǵary) sharshy alańǵa shyǵady.

Atalǵan halyqaralyq týrnırge 36 elden 450 boksshy qatysyp jatyr.

Olardyń qatarynda Olımpıada, álem jáne Eýropa chempıondary da bar.

Týrnır 28 aqpanda máresine jetedi.