«Strandj-2023» týrnıri: Búgin qazaqstandyq bes boksshy sharshy alańǵa shyǵady

ASTANA. QazAqparat - Bolgarııa astanasy Sofııa qalasynda ótip jatqan bokstan halyqaralyq «Strandj-2023» týrnırinde 21 aqpanda qazaqstandyq bes sportshy sharshy alańǵa shyǵady, dep habarlaıdy QazAqparat tilshisi.

Bylǵary qolǵap sheberleri kúndizgi jáne keshki sessııada synǵa túsedi.

Aldymen elorda ýaqytymen 17.00-de 57 kelide Orazbek Asylqulov ırlandııalyq Djýd Gallahermen qolǵap túıistirse, 63,5 kelide Ertýǵan Zeınýllınov ıspanııalyq Konde Oıer Ibarrechemen sheberlik baıqasady.

Al 22.00-de bastalatyn keshki sessııada Bekzat Aldamjarov (54 keli) frantsııalyq Bıllal Bennama, Temirhan Tezek (67 keli) bolgarııalyq Plamen ıAnkov, Bekzat Tańatarov (86 keli) úndistandyq Kartıkpen sharshy alańǵa shyǵady.

Atalǵan jarysta qazaqstandyq 13 bylǵary qolǵap sheberi el namysyn qorǵaıdy.

Qazirge deıin Erasyl Tańqaı qarsylasyn nokaýtpen jeńdi.