«Stop, vandal» aktsııasy: Astanada 270-ke jýyq buzýshy jaýapqa tartyldy

<p>Elordada vandalızmge qarsy kúres jáne aldyn alý boıynsha belsendi jumys júrgizilýde. Quqyq qorǵaý organdary vandalızmniń taǵy eki jaǵdaıyn anyqtap, buzýshylarǵa qatysty tıisti sharalar qabyldady, dep habarlaıdy Astana ákimdiginiń resmı saıty.</p>

31 qazanda tańǵy saǵat 9-da 26 jastaǵy er adam keńse terezesin ádeıi syndyryp, jeke menshik nysanǵa materıaldyq shyǵyn keltirdi.

Buǵan uqsas jaǵdaı 30 qazan kúni keshke boldy. Jas jigit bireýdiń kóliginiń áınegi men aınasyn syndyrdy.

Barlyq quqyq buzýshylar ákimshilik jaýapkershilikke tartyldy.

Jyl basynan beri Astanada eriktiler, belsendiler, belgili sportshylar, qala turǵyndary qoldaǵan «Stop, vandal» aktsııasy aıasynda profılaktıkalyq jumystar júrgizýde.

Aktsııanyń maqsaty – vandalızmniń kez kelgen kórinisin boldyrmaý jáne elordada tazalyq pen tártipti saqtaý.

Jyl basynan beri sot 270-ke jýyq adamdy bótenniń múlkin qasaqana búldirgeni úshin, jalpy paıdalaný oryndaryn lastaǵany úshin, ǵımarattar men turǵyn úı-jaılardy búldirgeni úshin jazalady. Olardyń barlyǵy jaýapqa tartyldy.

Vandalızmniń aldyn alý jumystary qalalyq prokýratýra men polıtsııa departamentiniń úılestirýimen júrgiziledi.