Stepnogorskide 30 jyl ishinde alǵash ret kóppáterli turǵyn úıler salynýda

KÓKShETAÝ. QazAqparat – Stepnogorsk qalasynda «Nurly jer» memlekettik baǵdarlamasy sheńberinde kóppáterli turǵyn úıler salynýda. Bul týraly qalalyq qurylys, sáýlet jáne qala qurylysy bóliminiń basshysy Qaırat Jumabaev aıtty, dep habarlaıdy QazAqparat tilshisi.

Onyń aıtýynsha, bul — óndiristik qalada 30 jyldan beri salynyp jatqan alǵashqy kóppáterli turǵyn úıler. Onyń qurylysyna respýblıkalyq jáne oblystyq bıýdjetten qomaqty qarjy bólingen. Bul jańa úılerdiń alǵashqysy aǵymdaǵy jyldyń aqpan aıynda paıdalanýǵa berildi.

«Mundaǵy páterler arendalyq, halyqtyń áleýmettik jaǵynan osal toptaryna usynylýda. Bul úılerdiń artyqshylyǵy energo únemdeýinde jatyr. Jylý dachıkteri páterdiń syrtqy temperatýrasyna avtomatty túrde ıkemdelip otyrady», - deıdi Qaırat Jumabaev.

Qalalyq qurylys, sáýlet jáne qala qurylysy bóliminiń basshysy atap ótkendeı, qazirgi kezde taǵy bir 45 páterli turǵyn úıdiń qurylysy júrgizilýde. Bul úıdi jyl sońyna paıdalanýǵa berý josparlanǵan.

Aıta keteıik, búgingi tańda qalada barlyǵy 1500 adam páter kezeginde tur. Onyń ishinde júzge jýyǵy kópbalaly otbasylar. Jalpy, ónidiristik qalada keleshekte osyndaı jańa 12 turǵyn úı salynatyn bolady.