Stepnogordegi №69 saılaý ýchaskesi aýmaǵynda saýalnama júrgizilýde

KÓKShETAÝ. QazAqparat – Aqmola oblysy Stepnogor qalasynyń №69 saılaý ýchaskesi aýmaǵynda Exit-pool saýalnamasy júrgizilýde. Ony «Demokratııa ınstıtýty» ǵylymı-zertteý qaýymdastyǵy» qoǵamdyq birlestiginiń ókilderi ótkizýde, dep habarlaıdy QazAqparat tilshisi.

Stepnogorsk qalasynyń №69 saılaý ýchaskesi 4-shaǵynaýdan, 47/1 mekenjaıy boıynsha qalalyq bilim bóliminiń janyndaǵy «Mekteparalyq oqý-óndiristik kombınaty» mekemesiniń ǵımaratynda ornalasqan.

Saılaýshylardyń jalpy sany – 1498 adam. Komıssııa músheleriniń jalpy sany – 7. Saılaý ýchaskesi QR Eńbek jáne halyqty áleýmettik qorǵaý mınıstrliginiń ınteraktıvti qoljetimdilik kartasyna engizilgen, munda múmkindigi shekteýli jandarǵa barlyq jaǵdaı jasalǵan.

Ýchaskede daýys berýge arnalǵan jáne statsıonarlyq kabınalar ornatylǵan. Sonymen birge, tasymaldanatyn saılaý jáshikteri, uıymdastyrý tehnıkasy, telefon baılanysy qamtamasyz etilgen.

Sanıtarlyq-epıdemıologııalyq normalar saqtalǵan. Saılaý komıssııasyna antıseptıkter, qorǵanys kıimderi, maskalar, betke arnalǵan ekrandar, qolǵaptar, qalamdar jáne termometr berildi.

2016 jyly osy ýchaske boıynsha depýtattar saılaýyna qatysý 78,2 paıyzdy quraǵan bolatyn.

Saılaýshylardyń negizgi basym kópshiligi densaýlyq saqtaý, bilim berý, memlekettik qyzmet salasynyń, quqyq qorǵaý organdarynyń qyzmetkerleri jáne ózge da azamattar.