Stepnogordegi barlyq turǵyn úılerge jylý berildi

<p>Stepnogor qalasyndaǵy barlyq turǵyn úılerge jylý men ystyq sý berildi, dep habarlaıdy <a href="Kazinform." target="_blank" rel="noopener">Kazinform.</a></p>

Qala ákimdiginiń málimetinshe, qaladaǵy turǵyn úılerdiń barlyǵyna 100 paıyz jylý jáne ystyq sý berildi. «Stepnogorsk Teplotranzıt» JShS dıspetcherleri qaladaǵy barlyq PIK-ne habarlasyp, úıishilik jylytý júıelerinde aqaý bar-joǵyn anyqtaýda. 

«Qazirgi ýaqytta «Vıkjenıs» JShS, «Arystan» JShS, «Kvartal» JShS jylytýda másele baryn aıtýda. Ózge PIK-den shaǵym túsken joq», - dedi qala ákimdiginen.

Sonymen birge, ákimdiktegiler qala turǵyndarynan úı ishindegi jylytý júıesinde qandaıda bir másele bolsa, dereý PIK-ke habar etýge, al ol óz kezeginde «Stepnogorsk Teplotranzıt» JShS dıspetcherlerin qulaqtandyratynyn, eger PIK-ke habarlasý múmkin bolmaı jatsa, onda ákimdiktiń kezekshisine 6-14-25 telefon nómiri arqyly qońyraý shalýdy suraıdy.

Aıta ketsek, Stepnogordiń jylý júıesi apattan soń qalpyna keltirilgen bolatyn. Alaıda, kóptegen turǵyn áleýmettik jelide páterleri sýyq ekenin aıtyp jazǵan edi.