Stepnogorda jylý qazandyǵynyń apatyna qatysty jospardan tys tekserý júredi

NUR-SULTAN. QazAqparat – Stepnogorda jylý elektr ortalyǵynda bolǵan apattyń saldaryn anyqtaý maqsatynda jospardan tys tekserý belgilendi, dep habarlaıdy QazAqparat tilshisi QR Energetıka mınıstrliginiń baspasóz qyzmetine silteme jasap.

«Stepnogor JEO-daǵy qazandyqtardyń apattyq toqtaý faktileri boıynsha QR Energetıka mınıstrligi atom jáne energetıkalyq qadaǵalaý men baqylaý komıtetiniń Aqmola oblysy boıynsha aýmaqtyq departamenti tarapynan jospardan tys tekserý belgilendi», - delingen habarlamada.

Mınıstrliktiń baspasóz qyzmetini usynǵan málimetke sáıkes, tekserý nátıjesi boıynsha tıisti shara qabyldanady.

«Anyqtalǵan buzýshylyqtar men qabyldanǵan sharalar týraly qosymsha habarlanatyn bolady. Qazirgi Stepnogorda JEO-da 4 qazandyq jáne 3 týrbına jumys istep tur. Stantsııanyń generatsııasy 64 MVt, jylý jelileriniń temperatýralyq rejımi saqtalyp tur», - deıdi vedomstvodan.

Eske sala ketsek, Stepnogordaǵy JEO jylý júıelerindegi aqaýdan, birneshe shaǵynaýdandaǵy kóptegen turǵyn úıler jylýsyz qalǵan edi.

Keıin Energetıka mınıstrligi Stepnogordaǵy jylý elektr ortalyǵynda bolǵan apatqa qatysty jaǵdaıdy jaǵdaıdy túsindirdi.