Stepnogorda mekteptiń bas býhgalteri bir jylda 36 mln teńge jymqyrǵan

<p><span style="font-family: sans-serif; font-size: 18px;">Stepnogor qalasynda ETsQ kilti arqyly 36 mln teńgeden astam bıýdjet aqshasyn jymqyrǵan mekteptiń bas býhgalterine sot úkimi shyqty, dep habarlaıdy <a href="https://kaz.inform.kz/" target="_blank" rel="noopener">QazAqparat</a>tilshisi Aqmola oblystyq sotynyń baspasóz qyzmetine silteme jasap.</span></p>

Stepnogor qalalyq sotynda belgili bolǵandaı, sottalýshy áıel 2022 jyldyń sáýirinen 2023 jyldyń naýryzyna deıin mekemeniń shotynan óziniń bank shotyna qarajat aýdaryp otyrǵan.

Osylaısha ol qyzmet babyn paıdalana otyryp, asa iri mólsherde alaıaqtyq qylmys (Qylmystyq kodeksiniń 190-baby 4-bóligi 2-bólimshesi) jasaǵan.

Sotta aıyptalýshy kinásin tolyq moıyndady.

Onyń kinási sot-ekonomıkalyq saraptamanyń qorytyndysymen, sondaı-aq, uıaly telefonyn qaraý, kýágerlerden, mamandardan jaýap alý hattamalarymen, jeke shotymen rastaldy.

«Ol sot úkimimen 5 jylǵa bas bostandyǵynan aıyryldy. Sottalǵan adamnan kelgen materıaldyq zalal óndirildi. Sottalýshynyń asyraýynda tórt jas balasy bar ekenin eskere otyryp Qylmystyq kodekstiń 74-babynyń 1-bóligi boıynsha bas bostandyǵynan aıyrý jazasy balasy 14 jasqa tolǵanǵa deıin keıinge qalady», - dedi Aqmola oblysy sotynyń baspasóz qyzmetinen.

Sot úkimi zańdy kúshine engen joq.

Aıta ketsek, budan buryn Kókshetaýda aýrýhanadan 40 mıllıon teńgeden astam qarjy jymqyrǵan býhgalter ustalǵanyn jazǵan edik.