Stepnogor mańynda jantúrshigerlik jol apaty oryn aldy
Áleýmettik jelide jarııalanǵan vıdeojazbada oqıǵanyń «Stepnogor – Zavodskoı» avtojolynda bolǵany aıtylady. Jol apatyna ushyraǵan kóliktiń biri janyp jatsa, endi bir kólikten qutqarýshylar men oqıǵa ornyna tabylǵan adam adamdardy qutqarýǵa árekettenýde.
Beıresmı derekter boıynsha polıtsııadan qashqan «Toıota Land Krýzer 200» kóligi «Aýdı» kóligimen betpe bet soqtyǵysqan. Vıdeoda atylǵan qarýdyń daýysy estiledi. Oqıǵa ornynan tabylǵan adamdar jol apatynan qaza bolǵandar bar dep otyr.
Aqmola oblysy PD baspasóz qyzmetiniń málimetinshe, qazirgi kezde oqıǵanyń mán-jaıy anyqtalýda.
«Jol-kólik oqıǵasy oryn alǵan jerde polıtsııa qyzmetkerleri jumys ústeýde. Oqıǵanyń mán-jaıy anyqtalýda. Sonymen birge, oqıǵa ornyna Aqmola oblysy PD bastyǵy shyqty», - dep túsindirdi QazAqparat tilshisiniń saýalyna Aqmola oblysy PD baspasóz qyzmetinen.
Aıta ketsek, budan buryn Aqmola oblysynda jol apatynan 1 adam kóz jumyp, úsheýi zardap shekkenin jazǵan edik.