Stepnogor kóshelerine jaryq tartyldy
15:53, 02 Qańtar 2017
KÓKShETAÝ. QazAqparat - Stepnogor qalasynyń tysqary móltek aýdanyndaǵy kóshelerge jaryq tartyldy, dep habarlaıdy «QazAqparat» HAA tilshisi qala əkiminiń baspasóz qyzmetine silteme jasap.
Igi iske qalalyq məslıhattyń depýtattary Darhan Balpanov jəne Altynbek Qarshegenov úles qosyp otyr. Turǵyndardyń ótinishi boıynsha 6 jəne 9 móltek aýdandarmen baılanysatyn 7 móltek aýdandaǵy tysqary ornalasqan turǵyn úılerdiń mańyna jaryq tartyldy. Ol úshin qalalyq turǵyn úı kommýnaldyq sharýashylyǵy 15 jaryq baǵanyn berse, halyq qalaýlysy Darhan Balpanov osynshama jaryq shamy men 650 metr elektr symyn satyp aldy. Al, energetık əri depýtat Altynbek Qarshegenov bolsa, montajdaý jumystaryn qolǵa aldy.
Jańa jelini iske qosý rásimine qala əkiminiń orynbasary Saǵyndyq Shabarov pen qalalyq məslıhattyń hatshysy Ǵalııa Kópeeva jəne atalǵan móltek aýdannyń turǵyndary qatysyp, quttyqtaý sóz sóıledi.