Stend atýdan Qazaqstan quramasy Tokıo oıyndaryn aıaqtady
11:27, 26 Shilde 2021
NUR-SULTAN. QazAqparat - Tokıo Olımpıadasynda stend atýdan irikteý kezeńi aıaqtaldy. Eki kúnge sozylǵan básekeden keıin qazaqstandyq mergender kelesi kezeńge óte almady dep jazady Olympic.kz.
«Skıt» jattyǵýy boıynsha synǵa túsken sportshylar bes raýnd boıy irikteý kezeńin ótkizdi. Іrikteý nátıjesi boıynsha alty sportshy ǵana kelesi aınalymǵa ótedi.
Ókinishke qaraı, qazaqstandyq Ásem Orynbaı men Zoıa Kravchenko úzdikter qataryna ilige alǵan joq. Zoıa Kravchenko 113 upaımen 22-oryn alsa, Ásem Orynbaı 111 upaımen 26-satyda qaldy.
Fınalǵa ótken sportshylar kóshin 124 upaı jınaǵan qytaılyq Veı Men bastap tur.