Stend atýdan «Ámir Gran-prıi»: Qazaqstandyq mergender úsh medal jeńip aldy

<p>ASTANA. KAZINFORM &ndash; Stend atýdan Katarda ótip jatqan &laquo;Ámir Gran-prıi&raquo; halyqaralyq týrnırinde qazaqstandyq sportshylar úsh medal jeńip aldy.</p>

QR Ulttyq olımpıadalyq komıteti málim etkendeı, 22 aqpanda Katar astanasy Dohada bastalǵan jarysta álemniń 30 memleketinen 300-den asa sportshy baq synap jatyr. 

Qazirgi ýaqytta Qazaqstan quramasy atalǵan týrnırden úsh medal jeńip aldy. Onyń bireýi — kúmis, ekeýi — qola júlde.

«Trap» baǵdarlamasy boıynsha ótken jekeleı synda Marııa Dmıtrıenko el qorjynyna kúmis medal salsa, jasóspirimder arasyndaǵy básekede Nıkıta Moıseev pen Anıta Nurlanova qola júldeger atandy.

Qazaqstan atynan jalpy esebi 36 sportshy synǵa túsip jatyr.