#StayHome: Qazaqstanda júlde qory 12 mln teńge bolatyn kıbersport týrnıri jarııalandy
Elimizde tótenshe jaǵdaı rejıminiń jarııalanýyna qaramastan habardar bolý, sabyrlyq pen gıgıena saqtaýmen qatar úıde bos ýaqytta kóńildi ótkizý koronavırýsqa qarsy basty qarý sanalady. Úıde ýaqytty kóńildi ótkizýge júlde qory 12 mln teńge bolatyn Alaman #StayHome kıbersport týrnıri kómektese alady. Osynaý týrnır aıasynda Qazaqstannyń Kıbersport federatsııasy #StayHome – «Úıde qal» heshtegin nasıhattaýda.
«Osy heshtegpen biz indet áserin tıgizip otyrǵan qashyqtan oqý, jumys isteý jáne tirshiliktiń basqa da salalary týraly sóz etýdi josparlap otyrmyz. Munyń barlyǵy týrnırdiń bas seriktesi «Qazaqtelekom» AQ-nyń Ultra tarıftik josparymen ońtaıly qabysyp jatyr. Atalǵan tarıftik jospar aıasynda abonentterge ADSL tehnologııasy boıynsha 200 Mbıt/s-tan 500 Mbıt/s jáne 8 Mbıt/s-qa deıin jyldamdyq alýǵa múmkindik beretin FTTH tehnologııasy boıynsha 4 túrli toptama usynylady»,- delingen taratylǵan aqparatta.