Statıstıka komıteti jalǵan aqparat úshin qansha adam jazalanǵanyn jarııalady

NUR-SULTAN. QazAqparat - Shyndyqqa sáıkes kelmeıtin málimetterdi bergender ákimshilik jaýapqa tartylady. Bul týraly Parlament Májilisinde memlekettik statıstıka taqyrybyna arnalǵan dóńgelek ústel otyrysynda QR UEM Statıstıka komıtetiniń tóraǵasy Nurbolat Aıdapkelov málim etti, dep habarlaıdy QazAqparat tilshisi.

«Ákimshilik jaýapkershilikke toqtalsaq, bul turǵyda statıstıkalyq málimetterdi usynbaǵan nemese shyndyqqa saı kelmeıtin derekterdi bergender jazalandy. 2018 jyldyń birinshi jartyjyldyǵynda statıstıka organdary 4 567 respondetti jaýapqa tartty. Onyń 85 paıyzy aqparatty keshiktirip bergeni úshin, 15 paıyzy dáıeksiz málimetterdi usynǵany úshin jaýap berdi», - dedi komıtet basshysy.

Onyń sózine qaraǵanda, ákimshilik jazadan keıin jyl ishinde qaıtadan osyndaı keleńsizdikke jol bergen 293 respondent ákimshilik jaýapqa tartyldy.

«Profılaktıkalyq qadaǵalaý engizilgennen keıin, 2018 jyldyń ekinshi jartyjyldyǵynda ákimshilik jaýapqa tartylǵan respondetter sany 4 esege qysqardy. Bul baǵyttaǵy sharalar eseptilik tártibin kúsheıtýge múmkindik berdi», - dedi ol.