Statıstıka: Qazaqstandyqtardyń ortasha jalaqysy - 196 myń teńge
Ekonomıkalyq sektor
Qysqa merzimdi ekonomıkalyq ındıkator 2020 jylǵy qańtar-maýsymda ótken jyldyń osy kezeńine qaraǵanda 99% qurady. Qysqa merzimdi ekonomıkalyq ındıkatordy esepteý jedeldilikti qamtamasyz etý maqsatynda júzege asyrylady jáne JІÓ-iń 60% astamyn quraıtyn aýyl sharýashylyǵy, ónerkásip, qurylys, saýda, kólik jáne baılanys sııaqty negizgi salalar boıynsha shyǵarylym ındeksteriniń ózgerýine negizdeledi.
2020 jylǵy qańtar-maýsymda negizgi kapıtalǵa salynǵan ınvestıtsııalar kólemi 5215,6 mlrd teńgeni qurady. Bul 2019 jylǵy qańtar-maýsymǵa qaraǵanda 2,9% az.
Ónerkásip óndirisiniń kólemi qoldanystaǵy baǵalarda 12541,8 mlrd teńgeni qurdy. Bul 2019 jylǵy qańtar-maýsymǵa qaraǵanda 3,1% artyq. Ken óndirý ónerkásibinde jáne karerlerdi qazýda óndiris kólemi 2,2%, óńdeý ónerkásibinde óndiris – 4,8%, sýmen jabdyqtaýda, káriz júıesi, qaldyqtardy jınaý jáne bólýdi baqylaýda - 2,5% artty. Elektrmen jabdyqtaý, gaz, bý berý jáne aýa baptaýda óndiris kólemi 0,2% tómendedi.
Aýyl, orman jáne balyq sharýashylyǵy óniminiń (qyzmetiniń) jalpy shyǵarylymynyń kólemi 1274,9 mlrd teńgeni qurap, 2019 jylǵy qańtar-maýsymǵa qaraǵanda 2,4% artty.
Qurylys jumystarynyń (qyzmetteriniń) kólemi 1603 mlrd teńgeni qurady. Bul, 2019 jylǵy qańtar-maýsymǵa qaraǵanda 11,2% artyq.
Kólik jáne qoımalaý salasy boıynsha naqty kólem ındeksi 85,4% qurady.
Júk aınalymynyń kólemi 276,6 mlrd t-km (kommertsııalyq júk tasymaldaýmen aınalysatyn dara kásipkerlerdiń júk aınalymy kólemin baǵalaýdy esepke alǵanda) qurap, 2019 jylǵy qańtar-maýsymmen salystyrǵanda 3,4%-ǵa kemidi. Jolaýshylar aınalymynyń kólemi 77,2 mlrd j-km qurap, 45,2% azaıdy.
Baılanys salasy boıynsha naqty kólemi ındeksi 109% qurady.
Saýda salasy boıynsha naqty kólem ındeksi 89,4%-dy qurady.
Bólshek saýda kólemi 4613,1 mlrd teńgeni nemese 2019 jyldyń tıisti kezeń deńgeıimen salystyrǵanda 87,4% qurady (salystyrmaly baǵada).
Kóterme saýda kólemi 10134,7 mlrd teńgeni nemese 2019 jyldyń tıisti kezeń deńgeıimen salystyrǵanda 92,1% qurady (salystyrmaly baǵada).
Qazaqstannyń syrtqy saýda aınalymy 34938,5 mln AQSh dollaryn qurap, 2019 jylǵy qańtar-mamyrmen salystyrǵanda 6,9% azaıdy, sonyń ishinde eksport – 22321,2 mln AQSh dollaryn (5,5% az), ımport – 12617,3 mln AQSh dollary boldy. (9,3% % az).
2020 jylǵy 1 shildedegi jaǵdaı boıynsha tirkelgen zańdy tulǵalardyń sany 452 783-ti qurady jáne ótken jylǵy tıisti kezeńmen salystyrǵanda 3,3% artty. Onyń ishinde 444 140 sýbektide qyzmetkerleriniń sany 100 adamnan az. Jumys istep turǵan zańdy tulǵalardyń sany 321 408 qurady, onyń ishinde 313 051 - shaǵyn kásiporyndar (100 adamnan az).
Tutyný baǵasynyń ındeksi 2020 jylǵy maýsymda 2019 jylǵy jeltoqsanmen salystyrǵanda 104,2% qurady. Azyq-túlik taýarlarǵa baǵalar – 7,3%, azyq-túlik emes taýarlarǵa – 2,6%, halyqqa arnalǵan aqyly kórsetiletin qyzmetterge 1,4% ósti. Ónerkásip ónimderine óndirýshi kásiporyndar baǵasy 2020 jylǵy maýsymda 2019 jylǵy jeltoqsanmen salystyrǵanda 18,1% tómendedi.
Áleýmettik sektor
2020 jylǵy mamyrdaǵy halyqtyń orta eseppen jan basyna shaqqandaǵy ataýly aqshalaı tabysy 108 808 teńgeni qurady (aldyn ala derekter). Bul, 2019 jylǵy mamyrǵa qaraǵanda 4,8% joǵary. Naqty aqshalaı tabys kórsetilgen kezeńde 1,8%-ke tómendedi.
2020 jylǵy maýsymda bir qyzmetkerdiń ortasha aılyq ataýly jalaqysy baǵalaý boıynsha 196 922 teńgeni qurady.
HEU ádistemesi boıynsha anyqtalǵan jumyssyzdar sany 2020 jylǵy I toqsanda 442,4 myń adamdy qurady. Jumyssyzdyq deńgeıi jumys kúshi sanyna 4,8% qurady. Jumyspen qamtý organdarynda jumyssyzdar retinde tirkelgen adamdar sany 2020 jylǵy maýsymnyń sońyna 184,9 myń adamdy qurady nemese jumys kúshine 2%.