Statıstıka derekterin jınaý protsesin jeńildetetin mobıldi qosymsha iske qosylady

ASTANA. QazAqparat – Statıstıka derekterin jınaý protsesin jeńildetetin mobıldi qosymsha iske qosylady. Bul týraly Úkimet otyrysynda Ulttyq statıstıka bıýrosynyń basshysy Jandos Shaımardanov aıtty, dep habarlaıdy QazAqparat tilshisi.

«Statıstıkalyq derekterdi jınaý protsesterin belsendi damytyp jatyrmyz. Qazirgi ýaqytta óńirlerde baǵany 287 maman tirkeıdi. Olar baǵa dınamıkasyn qaǵazǵa jazbasha túrde túsiredi. Statıstıka derekterin jınaý protsesin jeńildetý maqsatynda osy toqsanda biz mobıldi qosymshany iske qosamyz. Bul baǵa kotırovkasyn jazyp qana qoımaı, sonymen qatar shtrıh-kodty jáne ónimniń sýretin salyp, obektiniń ornalasqan jerin rastaýǵa jáne derekterdi onlaın rejımde jiberýge múmkindik beredi», - dedi ol.

Onyń atap ótýinshe, mobıldi qosymshanyń arqasynda derekterdi óńdeý ýaqyty qysqartylady. Baqylaý sapasy artyp, baǵa taldaý múmkindikteri keńeıtiledi.

«Degenmen, mobıldi qosymsha adam faktoryn tolyǵymen joqqa shyǵarmaıdy», - dedi bıýro basshysy.