Statı isin júrgizgen Bolashak Consulting kompanııasynyń artynda kim tur – depýtat saýaly

<p>ASTANA. KAZINFORM &ndash; Májilis depýtat Azat Perýashev atyshýly Statı isinde Qazaqstan múddesin qorǵaýǵa jaýapty bolǵan &laquo;Bolashak Consulting group&raquo; kompanııasy týraly depýtattyq saýal joldap, Ádilet mınıstri Azamat Esqaraevtan atalǵan uıymnyń artynda kimder turǵanyn jarııa etýdi surady.</p>

«Qazaqstan 2010 jyldan beri moldavııalyq olıgarhtar Anatol jáne Garbıel Statımen sottasyp kele jatqany belgili. Sottasýǵa Qazaqstan tarabynyń «Tolkynneftegaz» jáne «Kazpolmýnaı» JShS kompanııalaryna tıesili bolǵan jer qoınaýyn paıdalaný jónindegi kelisimshartty salyq zańnamasy men kelisimshart sharttarynyń buzylýyna baılanysty buzýy túrtki boldy. Osylaısha «Tolqyn» jáne «Borankól» kenishteri «QazMunaıGaz» AQ-nyń basqarýyna ótti.

Statıler kompanııasynyń qyzmeti Qazaqstan ekonomıkasyna 140 mlrd dollardan astam shyǵyn keltirdi dep eseptelinedi. Ashyq kózderde atalǵan kompanııalardyń quny 500 mln dollar tóńireginde bolǵany jazylyp júr. Alaıda, Statıler óz shyǵyndaryn 4 mlrd dollar dep baǵalap, Stokgolm tórelik sotyna shaǵym túsirip, 544 mln dollar óndirýge qol jetkizdi», - deıdi Azat Perýashev.

Onyń sózinshe, atalǵan sheshim negizinde birqatar elderde Qazaqstannyń Ulttyq banki men Ulttyq qoryna tıesili 22 mlrd dollardyń aktıvteri, sondaı-aq, «QazMunaıGaz» aktsııalary buǵattalǵan edi. 

«2019 jyly Brıýsseldegi sot Ulttyq qordyń 21,5 mlrd dollar aktıvin buǵattan bosatty. Qalǵan qarajatty buǵattan shyǵarý aǵylshyn sottarynda ǵana múmkin ekeni týraly qaýly da shyǵardy. 

2023 jyly Nıderland Joǵary soty Qashaǵan jobasynyń 4 mlrd dollar kólemindegi aktsııasyn buǵattan bosatty. Sondaı-aq, Statıler túsirgen shaǵym boıynsha Anglııa, Belgııa, Lıýksembýrg, Nıderland jáne AQSh elderinde qazaqstandyq aktıvter boıynsha mańyzdy sheshimder qabyldandy. 

Degenmen, Stokgolm tórelik sotynyń Qazaqtan tarabyn Statılerge 544 mln dollar tóleýdi mindetteıtin sheshimi keri qaıtarylǵan joq», - dedi depýtat.

Májilis ókili keıbir BAQ atalǵan sot aýyrtpalyqtaryna Qazaqstan taraby jumsaǵan shyǵyn Statıler talap etip júrgen somadan eki eseasyp ketkenin jazyp júrgenin eske saldy.

«Sonymen birge atalǵan daýda Qazaqstan múddesin qorǵaǵan «Bolashak Consulting group» zańgerlik kompanııasy júrgizgen jumystyń tıimdiligi ǵana emes, qarjylyq parasattylyǵy da kúmán týǵyzady. Keıbir derekter boıynsha, atalǵan kompanııanyń qyzmeti qazaqstandyq salyq tóleýshiler úshin jylyna 60 mln dollarǵa túsken.

Statıler isi 14 jylǵa sozylyp kele jatqanyn eskersek, atalǵan kompanııa quryltaıshylarynyń qaltasynan júzdegen mıllıon dollar túskenin paıymdaýǵa bolady. Keıbir málimetter boıynsha, bul kompanııanyń quryltaıshylary Eski Qazaqstan sheneýnikteriniń affılırlengen ókilderi bolýy múmkin. 

Ádilet mınıstrligi qazir ol kompanııanyń qyzmetinen bas tartqanyn málim etti. Degenmen, «Aıran ishken qutylyp, shelek jalaǵan tutyldy» deıtindeı jaǵdaı bolyp tur.

Qazaqstan bul iske qansha aqsha shyǵyndady jáne bul Statıler surap júrgen somanyń neshe paıyzyna teń? «Bolashak Consulting group» kompanııasy osy somanyń qanshasyn ıelendi jáne onyń artynda kimder tur? Osy kompanııanyń áreketi memleketke shyǵyn keltirý retinde qaralyp jatyr ma jáne ol aqshany zańsyz aktıvterdi qaıtarý aıasynda óndirip alý sharalary qabyldanyp jatyr ma? Osy is boıynsha qandaı múlikterge buǵat qoıylǵan», - delingen depýttatyq saýalda.