Statı isin retteý Ulttyq qorǵa qalaı áser etti

<p>ASTANA. KAZINFORM &ndash; Ulttyq bank Statı isiniń túpkilikti rettelýi Ulttyq qordyń aktıvterine qalaı áser etkenin málim etti.</p>

- Retteý nátıjesinde Ulttyq bank Statı taraptarynyń QR Ulttyq qorynyń aktıvterine qoıǵan talaptarynan bas tartýyna jáne Shvetsııada qamtamasyz etý sharalarynyń yqpalynda bolǵan Ulttyq qor aktıvterin óz ıeligine qaıtarýǵa qol jetkizdi, - dep jazdy Ulttyq banktiń resmı saıty.

Ulttyq bank málimetinde bul jaıttar Ulttyq qor kiristiligine oń áser etetin aıtylǵan.

- Bul QR Ulttyq qorynyń uzaq merzimdi kiristiligin jaqsartý úshin jaǵdaı jasaýǵa yqpal etetin operatsııalyq ıkemdilikti arttyrýǵa jáne áleýetti ınvestıtsııalyq seriktesterdiń barynsha keń aýqymyn tartýǵa jańa múmkindikter ashady, - delingen resmı aqparatta.

Sondaı-aq aǵaıyndy Statıler men Qazaqstan tarapynyń arasyndaǵy daýdy túpkilikti retteý kelisiminiń naqty sharttary jasyryn ekeni aıtylǵan.

Buǵan deıin Ádilet mınıstrligi Statı isiniń tóńiregindegi kópjyldyq daý Qazaqstan taraby úshin sátti rettelgenin habarlaǵan edi.

Eske salsaq, 2021 jyldyń qarasha aıynda Ulttyq bank Ulttyq qordyń 536 mln dollardaı aktıvi qaıtarylǵanyn habarlaǵan bolatyn. Alaıda eki tarap túpkilikti ymyraǵa kelgenge deıin Statı taraby túrli ınstantsııalarda atalǵan aktıvti qaıta buǵattaý týraly talaptar qoıyp kelgen edi. Bank New York Mellon bankinde jatqan bul aktıv Statı tarabynyń talap-aryzy boıynsha 2018 jyldyń mamyr aıynda buǵattalǵan bolatyn.