Statı isin retteý: Qazaqstannyń Ulttyq qoryna 80 mln dollar qaıtaryldy

<p>ASTANA. KAZINFORM &ndash; Ulttyq bank tóraǵasy Tımýr Súleımenov Ulttyq qorǵa 80 mln dollar somasynda qaıtarylǵan aktıv týraly túsinik berdi.</p>

- Meniń oıymsha, bul jaǵdaı keıingi kúnderi jarııalanǵan jaǵymdy jańalyqtardyń biri. Ózderińiz biletindeı, bul aktıvter biraz ýaqyt buryn buǵattalǵan edi, ıaǵnı 10 jyl buryn boldy. Ulttyq qordyń 80 mıllıon dollarǵa tarta qarajatyna tyıym salyndy. Tıisti retteý is-sharalarynyń aıasynda, Úkimet pen Ulttyq banktiń aýqymdy jumysynyń nátıjesinde Ulttyq qordyń aktıvteri qaıtaryldy. Bul turǵyda 80 mln dollar Qazaqstannyń Ulttyq qory ıeligine qaıtaryldy, - dep naqtylady T. Súleımenov Parlament Májilisinde tilshiler suraǵyna jaýap bere otyryp.

Buǵan deıin Ádilet mınıstrligi Statı isiniń tóńiregindegi kópjyldyq daý Qazaqstan taraby úshin sátti rettelgenin habarlaǵan edi. 

Jaqynda Ulttyq bank Statı isiniń túpkilikti rettelýi Ulttyq qordyń aktıvterine qalaı áser etkenin málim etti.