Statı isi: Ulttyq bank pen Ádilet mınıstrliginiń málimeti bir-birinen alshaq shyǵyp jatyr

<p>ASTANA. KAZINFORM &ndash; Ádilet vıtse-mınıstri Danıel Vaısov Statı isi boıynsha Ulttyq qordyń qansha qarajaty qaıtarylǵanyn túsindirdi.</p>

- Múddeli memlekettik organdar Statı taraptarymen daýdy rettedi. Sonymen, 2024 jylǵy 4 jeltoqsanda Statı taraptarymen daýdy túpkilikti retteý týraly kelisimge qol qoıyldy. Bul álem boıynsha qazirgi protsesterdiń qaıta bastalý quqyǵynsyz toqtatý negizi bolyp keledi. Aıtý ketý qajet, daýdy retteý bıýdjettik shyǵyndy talap etpedi jáne shved sot oryndaýshylarynyń saqtaýynda bolǵan Ulttyq qordyń shamamen 75 mıllıon AQSh dollary Ulttyq Bank paıdasyna qaıtaryldy, - dedi ol ortalyq kommýnıkatsııalar qyzmetinde ótken brıfıngide.

Bir qyzyǵy, Statı isin retteýge Qazaqstan atynan qatysqan qos organnyń málimeti bir-birinen alshaqtaý shyǵyp jatyr.

Ulttyq banktiń baspasóz qyzmeti bul aıyrmashylyqty qaıtarylǵan aqshanyń Shved kronymen saqtalýyna baılanysty dep túsindirdi.

Ulttyq bank shved kronynan tikeleı dollarǵa aıyrbastap eseptese, Ádilet mınıstrligi kron-teńge-dollar baǵamyn eskerip eseptegen kórinedi.

Al Ulttyq bank tóraǵasy Tımýr Súleımenov Ulttyq qordyń 80 mln dollary qaıtarylǵanyn aıtty.