Starlink-ti elimizdegi basqa salalarǵa engizý múmkindigi qaralýy múmkin

<p>ASTANA. KAZINFORM &ndash; Reseı men Qytaı shekarasyna jaqyn Qazaqstannyń eldi mekenderindegi mektepterdi Starlink-ke qosýǵa qatysty kelissóz júrip jatyr. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstrligi málim etti.&nbsp;</p>

«Starlink tehnologııasyn qoldana otyryp, mektepterdi ınternet jelisimen qamtamasyz etý jónindegi pılottyq joba tsıfrlyq bilim berý resýrstaryn qosýǵa baǵyttalǵan. Bul joba eldiń shalǵaıdaǵy aýdandarynda ornalasqan mektepterde ınternet jyldamdyǵyn talaptarǵa sáıkes keltirý maqsatynda júzege asyrylyp jatyr. Bul turǵyda shamamen 1879 mektepti qamtý josparlanǵan», - delingen mınıstrliktiń Kazinform agenttigine bergen jaýabynda.

Sonymen qatar vedomstvoǵa aldaǵy ýaqytta Starlink júıesi mektepterden basqa qaı baǵyttarǵa engizilýi múmkin degen saýal joldadyq. 

«Starlink tehnologııasyn qoldaný baǵyttaryn odan ári keńeıtý múmkindigi pılottyq jobany iske asyrý qorytyndylary boıynsha qaralady», - dep atalyp ótken Tsıfrlyq damý mınıstrligi aqparatynda.

Atap aıtqanda, bıyl shilde aıynda Reseı men Qytaı shekarasyna jaqyn eldi mekenderdegi mektepter Starlink-ke qosyla almaı jatqany belgili boldy.

Atalǵan mektepter Reseı men Qytaı shekaralaryna jaqyn ornalasqan jáne SpaceX saıasatyna sáıkes Starlink ınterneti atalǵan elderde jumys istemeıdi.

«Reseımen jáne Qytaımen shekaralas aýdandarda ornalasqan mektepterdi qosý máselesi SpaceX kompanııasynyń tehnıkalyq mamandarymen pysyqtalyp jatyr», - dep naqtylady mınıstrlik. 

Tamyz aıynyń basyndaǵy málimet boıynsha qamtylýy tıis 1 879 mekteptiń 1 731-inde Starlink júıesi ornatylǵan. 

Buǵan deıin mınıstrlik aýyl mektepterine Starlink spýtnıktik ınternetin ornatýǵa qansha qarjy jumsalǵanyn jarııalady.