Stansadaǵy órtten keıin jaryqsyz qalǵan qaraǵandylyqtarǵa elektr qýaty shetinen berilip jatyr

QARAǴANDY. QazAqparat - Qaraǵandyda qosalqy stansa órtengen soń jaryqsyz qalǵan kóshelerge birtindep elektr qýaty berilip jatyr. Abonentterdiń 30% qosylǵan. Bul týraly qala ákiminiń orynbasary málimdedi, dep habarlaıdy QazAqparat tilshisi.

Qaraǵandy qalasy ákiminiń kommýnaldyq máseleler jónindegi orynbasary Rústem Qojaqapanov aldaǵy saǵatta elektrsiz qalǵan barlyq turǵyndar jelige qosylatynyn aıtty.

«Ajyratylǵan abonentterdiń 30% qaıta qosyldy, endi 70% qaldy. Biz olardy bir saǵat ishinde qosamyz», - dedi ákim orynbasary.

Esterińizge sala keteıik, Qaraǵandyda ortalyq kóshelerdiń birinde «Qaraǵandy Jaryq» JShS qosalqy stansasynda órt bolǵan.

Tótenshe jaǵdaı saldarynan qalanyń birneshe kóshesi elektr qýatynsyz qaldy.

«23 shilde kúni saǵat 13:15-te Sátbaev kóshesindegi órt týraly habar tústi. «Qaraǵandy Jaryq» JShS qarasty №4 transformatorda 15 sharshy metr aýmaqta transformator maıy janyp jatty. TJD kúsh-quraldary 14:24 kezinde órtti sóndirdi. Qurban bolǵandar men zardap shekkender joq», - dep habarlady Qaraǵandy oblysy TJD.