Stanıslav Cherchesov qazaq tili men elimizdiń mádenıetine úlken qurmetpen qaraıdy — Fýtbol federatsııasy

<p>ASTANA.KAZINFORM &mdash; Qazaqstan ulttyq quramasynyń bas bapkeri Stanıslav Cherchesovtiń qazaq tilin kemsitýge tyrysqany týraly beınematerıal keńinen taralyp, qoǵam tarapynan narazylyq týǵyzdy. QR Týrızm jáne sport mınıstrligi bul jaǵdaıǵa beıjaı qaramaı, Qazaqstan fýtbol federatsııasyna resmı hat joldap, bas bapkerdiń áreketine qatysty Fýtbol federatsııasynan túsinikteme berýdi talap etken bolatyn.&nbsp;</p>

«Áleýmettik jelilerde jarııalanǵan fýtboldan Qazaqstan ulttyq quramasynyń bas bapkeri Stanıslav Cherchesovtiń qazaq tiline qurmet kórsetpeýine qatysty vıdeoǵa baılanysty Qazaqstan fýtbol federatsııasy jaǵdaıdy túsindiri ótý qajet dep sanaıdy. Jazbada vıdeonyń úzindisi kórsetilgen. Negizi bul suraqty Frantsııanyń PSJ klýbynyń formasyn kıip júrgen qazaqstandyq jýrnalıst Begasyl Seıitqanov baspasóz máslıhatynda qoıǵannan keıin bas bapker ázildep jaýap qaıtarǵan bolatyn. Stanıslav Cherchesov qazaq tili men elimizdiń mádenıetine úlken qurmetpen qaraıdy, sonymen qatar qazaq tilin belsendi túrde oqyp jatqanyn málimdeımiz», — dep túsinikteme berdi Fýtbol federatsııasynyń baspasóz qyzmeti.

Eske sala keteıik, Mınıstrlik bas bapkerdiń áreketine qatysty Fýtbol federatsııasynan túsinikteme berýdi talap etken bolatyn.