Ystanbuldyń Taksım alańyndaǵy sherýde 200-den astam adam ustaldy

<p>ASTANA. KAZINFORM &ndash; Túrkııa polıtsııasy Ystanbulda 1 mamyrdaǵy sherýdi taratty. Ol jerden 200-den astam adam ustaldy. Bul týraly BBC jazdy.</p>

«Ystanbul bizdiń eskertýlerimizge qulaq aspaı, Taksım alańyna baryp, 1 mamyr Eńbek jáne yntymaq kúni polıtsııa qyzmetkerlerine shabýyl jasamaq bolǵan 210 adam ustaldy», - dep jazdy Іshki ister mınıstri Alı Erlıkaıa X áleýmettik jelisinde.

Buǵan deıin túrik arnaıy jasaǵy alańǵa jaqyndaǵan demonstranttardy taratý úshin kózden jas aǵyzatyn gaz ben rezeńke oqtardy qoldanǵan. Keıbir sherýshiler tosqaýyldy buzyp ótpek bolǵan polıtsııa qyzmetkerlerine tas laqtyrǵan.

Saıası partııalardyń ókilderi men kásipodaq músheleri sársenbi kúni tańerteń Sarachan aýdanynda jınalyp, ınflıatsııanyń ósýine jáne ekonomıkalyq qıyndyqtarǵa narazylyq bildirý úshin Taksım alańyna sherýge shyqty.

Ystanbul bıligi qaýipsizdik maqsatynda Taksım alańynda sherý ótkizýge tyıym saldy.